COVID-19 HOTLINE: 141
|
11Cases of
|
10Recovered
|
1Active
|
75Persons
|
Due to the occurrence of the Coronavirus (COVID-19) in Seychelles, all our events and theme days are postponed until further notice.
Bonzour.
Mon apel Sera Desir. Mon travay klinik English River dan seksyon Lasante Zanfan ek Servis Lasante dan Lekol. Pandan sa 13 an konman en ners, mon’n osi travay klikik Mont Fleuri e Lopital North East Point.
Mon ti zwenn sa profesyon an 2007 apre ki mon tin fini mon 3an formasyon kot NIHSS.
Travay konman en ners i pa fasil, sirtou konmela kot i annan pasyan ki difisil e souvan mank respe, ki fer li difisil pour nou akonplir nou ban lobligasyon profesyonnel dapre kod etik bann ners ek Departman Lasante. Ou osi bezwen en dimoun ki kapab travay anba bokou presyon, e ou osi bezwen kapab met ou dan soulye tou pasyan menm sa ki pli difisil.
Pour sa 8 an ki mon’n travay klinik English River mon’n aprann bokou keksoz kin develop mon karakter, tel ki ekout plis e pli byen edik lezot. Bann defi ki mon’n rankontre se pour sey sanz fason panse bann dimoun ki servi nou servis, e dekourazman letan ki nou war ki nou zefor pa pe ganny apresye.
Mon rev se ki mon ti ava kontan ki en zour mon ti ava kapab al ede dan bann pei mwen develope, pour ede vaksin bann zafan ki pa pe ganny akse avek lasante primer. Mon leker i blese letan mon vwar sa bann zafan pe mor akoz zot pan ganny zot vaksen akoz zot napa akse avek servis lasante.
Mon aspirasyon i pour mwan travay dan sa bann pei mwen fortinen, pour ede pour vaksinn bann zanfan ki pa pour zanmen kapab ganny akse avek en sant lasante.
Serra Desir, Nurse at English River Health Centre in Maternal and Child Health and School Health
